Home » » مواصفات فتى الاحلام و زوج المستقبل من وجهة نظر للبنات

مواصفات فتى الاحلام و زوج المستقبل من وجهة نظر للبنات

مواصفات فتى الاحلام و زوج المستقبل من وجهة نظر للبنات

سألنا البنات عن مواصفات فتى الاحلام او فارس الاحلام وزوج المستقبل  وكانت الإجابات بتختلف من بنت للتانية لكن في مواصفات كتير كانت مشتركة بين البنات و في هذه الموضوع هنعرض عليكم هذه المواصفات المشتركة .

الصفة الاولي هي الشكل :

اغلب البنات بدأو في لاجابة على السؤال ما هي موصفات فارس احلامك ب الشكل الحلو او يكون شكله كويس او شكله جميل او شكله مسمسم او شكله كيوت . ودي كانت اول صفة اغلب البنات كانت بتقولها في الاجابة وهي الشكل .

الصفة الثانية هي المظهر :

جزء كبير من البنات اتكلموا عن المظهر ان فتى احلامهم لازم يكون مظهره كويس واستايل وعلي الموضة وانيق .

الصفة الثالثة هي الجسم المناسب :

وكانت  الاجابات ان لازم يكون فتى احلامهم اطول منهم ويكون مش تخين اوي ولا رفيع اوي يعني لازم يكون جسم مناسب .


الصفة الرابعة المستوى التعليمي :

المستوى التعليمي كان من الصفات الهامة في مواصفات فتى الاحلام للبنات والكل اتفق انه  لازم يكون زوج المستقبل في نفس المستوي التعليمي او اعلى لكن اغلب البنات رفضت فكرة انه يكون اقل في المستوى التعليمي .


الصفة الخامسة الوظيفة والعمل :

البنات كلهم اتكلموا في الصفة دي ان لازم يكون عنده وظيفة مناسبة ويكون مرتبها مناسب ويقدرو يعيشوا بيه .


الصفة السادسة عنده شقة :

من ضمن المواصفات لازم يكون عنده شقة كويسة وياريت تكون تمليك هيكون افضل ولو ايجار لازم تكون بعقد ايجار مفتوح ( عقد 59 سنة ) ورفضت اغلب البنات فكرة ان تكون شقة محددة المدة وكان السبب علشان منتبهدلش بعد كدة ونتنقل كتير .
 وفي بنات قالت ياريت الشقة تكون مش في بيت عيلة والسبب علشان نبعد عن المشاكل !

الصفة السابعة مناسب اجتماعياً :

وفي النقطة كانت الاجابات لازم يكون فتى الاحلام وزوج المستقبل اغنى منهم او في مستواهم لكن الاغلب رفض فكرة انه يكون اقل منهم في المستوى الإجتماعي .

الصفة الثامنة  رومانسي :

صفة الرومانسية من اهم الصفات اللي بتتمناها البنات في فتى احلامهم واغلب البنات قالوا الصفة دي في مواصفات فتى احلامهم انه يكون رومانسي وحنين وطيب  وبيقول كلام رومانسي وبيجيب هدايا  وقلوب ودباديب يعني الخلاصة ان اي حاجة فيها رومانسية بتتمناها البنات في فتى احلامهم .

الصفة التاسعة الحب والغيرة :

اغلب البنات اتكلموا علي صفة الحب إن لازم يكون فتى احلامهم بيحبهم بجد وبيغير عليهم كمان .

الصفة العاشرة الأخلاق :

طبعأ الصفة دي تعتبر من اهم الصفات اللي البنات اتكلمت عليها وهي لازم يكون فتى احلامهم بيصلي وقريب من ربنا وعنده اخلاق ومش بيشرب سجاير او اي ممنوعات ويكون بيحترمها وبيخاف عليها .

طبعا في صفات  كتير مختلفة قالتها البنات في الاجابة علي سؤال مواصفات فتى احلامهم  بس ال 10 صفات اللي تم عرضهم في الموضوع كانوا اهم الصفات المشتركة في مواصفات فتى الاحلام للبنات . وفي نهاية الموضوع بنعرض عليكم نفس السؤال ما هي مواصفات فتى الاحلام من وجهة نظرك ؟ هنستناكم في التعليقات

شاهد ايضاً :




تابعنا على

الاكثر مشاهدة