فيس بوك ببلاش - الفيس بوك مجانا من خلال شبكة اتصالات
طبعا مفيش حاجة ببلاش بس انت هتتصفح المواقع دي مجانا من غير ما تدفع ولا جنيه بس هتكون من خلال تطبيق معين او موقع معين او شبكة معينة علشان اللي مقدم الخدمة المجانية دي يقدر يستفيد من العائد الاعلاني اللي انت هتشوفه وانت بتستخدم الانترنت المجاني ده .
ولو رجعنا بالذاكرة للماضي هتلاقي ان مارك مؤسس الفيس بوك كان اعلن عن الانترنت المجاني للجميع .
وفي خطوة حلوة من شركة اتصالات بدأت بالفعل انها تعلن عن مشروع internet basics ضمن مبادرة internet.org بالشراكة مع الفيس بوك فى مصر .
وذلك لإتاحة إنترنت مجانى للهواتف الذكية ولعملاء شركة اتصالات يتيح تصفح عدد من المواقع أهمها "فيس بوك"، و"اليوم السابع" وعدد من المواقع المتنوعة مجانا... بس من خلال تطبيق Free Basics by Facebook ويكون خطك اتصالات .
" طبعا الموضوع محدود على الفيس بوك وبعض مواقع الاخبار وشركة اتصالات فقط "
لكن من المتوقع الايام الجاية ان الموضوع هينتشر علي جميع الشركات زي فودافون وموبينيل ومن المتوقع ان عدد المواقع اللي تقدر تتصفحها يكون اكبر ومش بعيد ان اليوتيوب يدخل الخدمة بس بشكل محدود ودي خطوة مبدئية ان الانترنت يكون مجاني من خلال شركات الاتصالات .
واللي حابب يستخدم خدمة اتصالات يقدر يحمل التطبيق من خلال الرابط التالي
https://play.google.com/store/apps/details?id=org.internet
ويقدر يستخدم الفيس بوك وبعض مواقع الاخبار مجانا .
" الكاتب : صابر عزيز "
