الرئيسية » , » تفاصيل عن البنات ونصائح لازم تعرفها عشان تعرف تتعامل

تفاصيل عن البنات ونصائح لازم تعرفها عشان تعرف تتعامل

تم النشر > يوم الاثنين، 28 ديسمبر، 2015 | 7:47 ص

تفاصيل عن البنات ونصائح لازم تعرفها علشان تعرف تتعامل
1- البنات كلها بتحب الهدايا وفكك من اي واحدة تقولك مش بحب الهدايا كلهم بيحبوا الهدايا وبيفرحو اوي وبتقول لصحابها ان جالها هدية والنصيحة حتي لو قالت مش بحب الهدايا لازم تجيبلها هدايا .

2- البنات بتحب الكلام الرومانسي بس تقوله باحساس لو بتقول كلام وخلاص البنت هتكشفك قول اللي حاسه مش كلام وخلاص .

3- قولها ديما انها احلى واحدة واجمل واحدة شوفتها وعرفتها " هتصدقك :) " حتي لو قالت غير كدة .

4- البنات كلهم بيحبوا الرغي سيبها تتكلم ولازم تسمعها لو انت بس اللي بتتكلم هتقفل منك  .

5- لو حسيت انها متغيرة اسالها على طول مالك ؟ هي مستنية تسألها علشان تحكيلك فا مترخمش واسالها علي طول لو مش سألتها هتضايق منك اوي .

6- البنات بتحب المكياج والهدوم اوي فا مفيش مشكلة لو اتكلمت في موضوع المكياج والهدوم هتحبك اكتر بس نصيحة متتكلمش كتير علشان لو اتكلمت في الموضوع ده كتير مش هتسيبك وهتخنقك بالموضوع ده . خليك ناصح اتكلم بس قليل .

7-  لو حكيتلك موضوع وهي غلطانة فيه  مش لازم تقولها انها غلطانة بطريقة مباشرة عرفها انها غلطانة بس بشكل غير مباشر علشان يومك يعدي علي خير .

8- البنات مش بتحب الافورة في اي حاجة حتى لو في كلام الحب يعني مش لازم تأفور علشان هتكون حاجة مكشوفة ومش حلوة .

9- اعملها مفاجأت كتير البنات بتعشق المفاجأت .

10- كل الناس بتحب تتفسح وتخرج بس البنات بتحب الموضوع ده اكتر من الشباب فا لازم تخرجها وتفسحها هتحبك اكتر .

11- مفيش مشكلة لو سألتها ايه اللي حصل في المسلسل الهندي هتلاقيها فرحانة وبتحكيلك .. الموضوع هيكون رخم بالنسبالك بس صدقني هتحبك اكتر وهتحكيلك كل يوم عن المسلسل الهندي وانت هتتخنق وممكن تنتحر بس المهم هي هتكون فرحانة !!

12 - مش لازم تكلمها كتير اوي اوي اوي .. ممكن تكلمها كتير بس من غير اوي من التلاتة اللي فاتوا .. ليه بقى ؟ علشان هي اكيد عندها حاجات هتعملها وانت كمان اكيد مش فاضي علي طول فا كفاية تكلمها كتير بس من غير اوي .

الكاتب : صابر عزيز


المقال يعبر عن رأي الكاتب ولايعبر بالضرورة عن رأي الموقع

0 التعليقات :

إرسال تعليق

ابحث في الموقع

الأكثر مشاهدة

-->