الرئيسية » , » لما تعامل حد بنفس طريقته معاك بيستغرب معاملتك ليه ؟ اجابة ونصيحة

لما تعامل حد بنفس طريقته معاك بيستغرب معاملتك ليه ؟ اجابة ونصيحة

تم النشر > يوم السبت، 23 يناير، 2016 | 2:31 ص

لما تعامل حد بنفس طريقته معاك بيستغرب معاملتك ليه ؟ اجابة ونصيحة
لما تعامل حد بنفس طريقته معاك بيستغرب معاملتك وبتلاقيه مش بيستحملك ومش عارف يعاملك اقصد مش عايز يعاملك اساسا ... وعايزك ترجع تعامله زي الاول بنفس طريقتك بس عمره ما بيفكر هو بيعاملك ازاي ولو فكر مش بيفرق معه هو بيعاملك ازاي اللي بيفرق اوي انت بتعامله ازاي .. ولو سأل نفسه انت اتغيرت في المعاملة معه ليه ؟؟؟ هتلاقيه بيجاوب علي نفسه انك بقيت شخصية وحشة ومش كويسة وعمره ما هيقول لنفسه انه كان بيعاملك بنفس الطريقة .

والحاجة اللي ممكن تستغربها ان في ناس عارفة انك بتعاملهم كويس جدا جدا وهما بيعملوك وحش جدا بيكونوا مستغربين انك اتغيرت !!! طب ليه بيستغربوا ... علشان متوقعين انك هتفضل تعاملهم كدة وانك هتفضل كويس جدا حتى لو هما وحشين معاك هتفضل غبي وتعاملهم كويس هتفضل اهطل عايش علي امل انهم هيتغيروا ويكونوا كويسين .

الخلاصة : عامل كل واحد زي ما بيعاملك متضيعش وقت ومجهود علشان ناس متستهلش وناس معاملتهم معاك مش كويسة .

 ومتقولش هتخسر ناس كتير !!
 لان الحقيقة هتخسر ناس صحيح بس هتكسب نفسك ووقتك ومجهودك وهتلاقي مساحة تتعرف علي ناس جديدة معاملتهم هتكون افضل من الناس اللي خسرتهم .

بس نصيحة اخيرة لو حد من الناس اللي كانت معاملتهم مش كويسة معاك اتغير معاك وبيعاملك كويس متخسروش عاملوا بنفس المعاملة ولو حد منهم قبل معاملتك معه اللي هي شبه معاملته معاك متخسروش بردوا عامله عادي لانك مش خسران حاجة بتعامله بالمثل .

تنبيه : المعاملة بالمثل مش انه بيكدب عليك انك تعمل زيه وتكدب عليه .. او بينافقك تروح انت تنافق زيه طبعا القصد مش كدة .. الشخصيات اللي زي دي الافضل متتعملش معها .. الفكرة في الناس اللي حواليك

اللي بتسأل عليهم وهما لا 
بتهتم بيهم وهما لا 
بتفرحهم وهما لا 
بتزعل عشانهم وهما لا 
بتفرح عشانهم وهما لا 
 بتعيش عاشنهم وهما لا 
 بتحس بيهم وهما لا 
بتحبهم وهما لا .

هي دي الناس اللي لازم تعاملهم بنفس معاملتهم معاك ومتضيعش وقتك مع ناس مش حاسين بيك ولا مقدرين معاملتك معاهم لانهم لو مقدرين معاملتك معاهم وانت فارق معاهم اكيد كانوا هيتغيروا في معاملتهم معاك .

بوست : Saber Aziz

شاهد ايضا :

نصائح هامة للتخلص من ادمان المواقع الإباحية - طريقة بسيطة للتخلص من ادمان المواقع الإباحية

نصائح هامة للشباب قبل مقابلة ( جواز الصالونات ) زواج الصالونات

0 التعليقات :

إرسال تعليق

ابحث في الموقع

الأكثر مشاهدة

-->