الرئيسية » » قصة الحب والاحترام بين الفنان محمد حماقي وزوجته نهلة الحاجري

قصة الحب والاحترام بين الفنان محمد حماقي وزوجته نهلة الحاجري

تم النشر > يوم السبت، 3 سبتمبر، 2016 | 8:29 ص

قصة الحب والاحترام 
بين الفنان محمد حماقي وزوجته نهلة الحاجري 

- سنة 2011 أتجوز "محمد حماقي" من الخلوقة المحترمة "نهلة الحاجري" فرحهُم كان في فندق فور سيزون وكان شيء فخم للغاية ، يومها غنالها أُغنيتُه الشهيرة "لقينا بعض" وإللي قال فيها "على فكرة النهاردة انا ملزم بوعد .. هييكون عيد ميلادى يوم لما لقينا بعض" .

- بعد فترة بسيطة كان الوسط الفني بيحسدهم على قصة حبهم الجميلة وأحترامهم لبعض وكونهم سند لبعض ، لكن ولأن الحياة مُش دايمًا مُستقرة حصلت خلافات بين حماقي والحاجري أدت للأنفصال في هدوء تام.

- بعد الأنفصال ظهرت رجولة وشهامة "حماقي" وتربية وأخلاق زوجتُه "نهلة الحاجري" وده اتلخص في أحترامهم لبعض جدًا لما علاقتهم اتحولت من زوجين لصديقين ، احترموا مقامهم ، أخلاقهم ، العشرة ، فَ اتعمد كل منهم التكتم وعدم التفوه بتصريحات جارحة أو ما شابه ، على العكس كانت المعاملة طيبة و"شيك" بينهم وتحفظ كل منهم على الزج باسم الآخر فى أى حدث ، على عكس الكثير من حالات الانفصال داخل الوسط الفنى.

- بعد فترة من الأنفصال "حماقي" انتابته حالة من الحُزن الشديد ع فراق زوجته ومكنش في أيدُه غير أنُه غنى ليها أُغنية قديمة لُه كانت صدرت سنة 2003 وهي "ماقدرش انساك" إللي قال فيها "تبعد وتغيب .. ألاقيك عايش جوايا ودايماً مني قريب". وغناها بكل وَجَعْ السنين وكان واضح جدًا انها مُش مجرد أُغنيه انما حالة بيعيشها حماقي.
.
- ولأن العشرة والزواج رزق والرزق نصيب وبتاع ربنا ، بعد أنفصال مدة مُش قليلة جت سنة 2016 وكان "حماقي" وصل لمرحلة متأخرة جدًا من الأشتياق لزوجتُه وحبُه ف غنى ليها أُغنيتُه الشهيرة جدًا واللي كسرت الدُنيا "مابلاش" وقال فيها "مهما طال بينّا البعاد مش هنسى حبك .. وأشوفك يوم على خير".
.
- في نهاية أغنية "مابلاش" تحديدًا في التتر حماقي عمل لافته حلوة جدًا وهي أنُه وجه الشكر إلى زوجته "نهلة الحاجري" وده كان بمثابة فتح باب للعودة بينهم من جديد. وبالفعل بعد ايام قليلة رجعوا لبعضهم


-المقصود : العلاقات أخلاق ، تحضر ، رُقي ،، دايمًا في نهاية كل علاقة لازم تحترموا بعض وتسيبوا الباب موارب مفتوح للعودة في اي وقت ،، أحترموا العشرة والعيش والملح ، احترموا كل لمسة وكل نظرة كانت بينكم ،، احترموا علاقة ربنا وحده كتبها .
بوست :  Ahmed F. Jibrill 

كليب ما بلاش

0 التعليقات :

إرسال تعليق

ابحث في الموقع

الأكثر مشاهدة

-->