الرئيسية » , » اسباب الاهمال والفتور في العلاقات ونصائح للمرتبطين والمخطوبين والمتزوجين

اسباب الاهمال والفتور في العلاقات ونصائح للمرتبطين والمخطوبين والمتزوجين

تم النشر > يوم الأحد، 11 سبتمبر، 2016 | 9:20 ص



كان عندى زمان شوزة كنت بحبها اوى كانت بفيونكات من قدام كدة وشكلها حلو  كنت على طول لبساها في الشغل والخروجات وفى كل مكان .
مش علشان معنديش غيرها لا طبعا انا عندى كتير بس دى كان فى بينا كيمياء كدة زى ما بيقولوا كنت بحبها  فا كنت على طوول لابساها .

فى الاول كنت مهتمة بيها خالص وبلمعها ديما قبل ما انزل بس مع الوقت اهملت فيها سيبتها كدة وكنت بخرج بيها وهى مش نضيفة عادى لغاية ما جه الوقت اللى اتفاجئت فيه ان الاقى الفيونكات من كتير اللبس خلاص ابتدت تتفك وكانت خلاص هتقع فضلت حطاها قدامى وزعلانة خالص عليها ازاى الشوزة اللى بحبها تبوظ وملبسهاش تانى مكنتش مصدقة ! لغاية ما جاتلى فكرة اني بعرف اعمل فيونكات قماش فا قولت ليه ما ابتديش اعمل فيونكات جديدة واحطهالها واورنشها كدة واخليها بتلمع وفعلا جريت على اوضتى وجبت قماشة وعملت فيونكتين ولزقتهم ولمعتها كويس لقتها جميلة واحلى من الاول كمان وبقيت بلمعها كل يوم علشان متبوظش منى تانى لانى تعبت فيها .

اسفة طبعا على التشبية بس ببساطة دى حياتنا مع الاشخاص اللى مرتبطين بيهم .
اول ما نحب حد بنفرح اوى وبنكون ديما معه وبنهتم بيه وبمشاعره جدا ومع الوقت العلاقة بتنزل من المنحنى وبتقل كل المشاعر اللى كانت فى الاول .

 بدل ما كنتوا بتتكلموا اليوم كلة هيبقى نص يوم
 وبعدين يبقى ساعتين تلاتة
 وبعدين يبقى بيتصل يتطمن بس
 وهنا الكارثة !!
كدة الشوزة هتتقطع قصدى العلاقة هتبتدى يبقى فيها فتور
 وساعتها مش هيبقى قدامك غير حل من اتنين يا اما ترمى الشوزة " قصدى انك تنهى العلاقة " او بقى لو كنت بتحب الشخص ده فعلا  .. هتجدد من العلاقة يعنى تعمل فيونكات جديدة من الاخر تعمل علشانه حاجات جديدة  " هدية .. شيكولاتة .. وردة .. مفيش مانع من ماسج كل شوية مش هيحصل حاجة لو خرجتوا كدة يعنى .

متخلوش العلاقة توصل بيكم للمنحنى دة خليك\ى ديما مهتم وديما بتحب بنفس طريقتك  متتغيروش على بعض علشان دة هيتعبوكوا انتوا الاتنين .

على فكرة انتوا لو وصلتوا للمنحنى دة مهما ان الطرف التانى حاول يرجع للاهتمام بردو بيكون فى سور بينكوا ودة هياخد وقت طويل اووى على ما يرجع يتشال والثقة ترجع زى ما كانت " حبوا بعض " .

بوست : ماجى عزت

0 التعليقات :

إرسال تعليق

ابحث في الموقع

الأكثر مشاهدة

-->