Home » » الاشياء اللازمة للمجند في مرحلة التجنيد

الاشياء اللازمة للمجند في مرحلة التجنيد

الاشياء اللازمة للمجند في مرحلة التجنيد


بعد انهاء اوراق الجيش والكشف الطبي وسماعك الارجا وتم قبولك في الجيش اذا هذا الموضوع لك وستتعرف فيه على اهم الاشياء اللازمة للك داخل مركز التدريب 



واول شيء هو الشنطة اللي هتجمع فيها الحاجات اللي هتاخدها
وخد معاك فلوس مش اقل من900 جنيه ومحفظة بسوستة 
وخد ابرة وخيط عشان هتحتاجهم ولو مبتعرفش تستخدمهم لازم تتعلم قبل دخولك الجيش
ولازم تاخد معاك صابون و صبانة بغطا و شامبو اكياس عشان تستخدمه مرة و ترميه
وخد معاك فرشة ومعجون اسنان ومكن حلاقة يكفيك مدة التريب ولو عايز توفر اشتري مكنة الحلاقة اللي بيتغير ليها الشفرة وتشتري علبة شفرات وطبعا كريم حلاقة
ولازم تاخد معاك غيارات داخلية وشرابات ويفضل انك تشتري شرابات من الانواع النضيفة ويكون الشراب تقيل و طويل عشان رجلك متتعورش في البيادة ويفضل اللون يكون داكن
وخد معاك معلقة لانك هتستخدمها في الميس والناس اللي متعرفش يعني ايه ميس هو المكان اللي بياكلوا فيه العساكر . وممكن تجيب كيس معالق بلاستك ولما تاكل ترميها علشان متفضلش تغسل المعلقة
وخد معاك ليفة عشان تستخدمها وانت بتاخد دوش
وخد معاك فوطة 
خد معاك رباط جزمة بيج عشان لو رباط البيادة اتقطع وخد فرش جزمة طبي هيفيدك عشان البيادة بتكون ناشفة 
وخد ورنيش وفرشة جزم علشان تلمع البيادة 
وخد معاك ديتول سائل علشان ترش على السرير
و بخاخة اللي هتستخدمها في رش الديتول
وخد معاك استيك ابيض وخد معاك قلم جاف او قلمين ونوتة صغيرة
وخد بودرة رجلين ومزيل عرق ومرهم للتسلخات
وممكن تاخد معاك معطر عشان الدولاب
وخد معاك قفلين كمبيوتر واحد للمخلة وواحد للدولاب وبلاش تجيب القفل العادي علشان كل المفاتيح بتفتح كل الاقفال ويكون حجمهم متوسط عشان الكبير مش هينفع 
طبعا الموبايلات ممنوع انك تاخدها معاك بس يفضل انك تاخد معاك خط موبايل اللي هو الشريحة ويكون مشحون وده هينفعك لو عرفت تستلف موبايل جوة
وممكن تاخد معاك موبايل يكون رخيص ومن غير كاميرا هينفعك لما تترحل تطمن اهلك 
بس لما هتروح مركز التدريب هيقولوا اللي معه موبايل يسلمه في الامانات والافضل انك تسلمه عشان لو اتقفش منك في التفتيش هيتكسر قدامك ,, الميزة هنا انك لما تيجي تمشي من مركز التدريب و انت رايح القوة الاساسية بتاعتك هيبقي معاك الموبايل وممكن تتكلم منه وبعد كدة تقدر تسلكه انت وشطارتك .
خد معاك اكياس اريال صغيرة عشان هتغسل بايديك هناك
وخد معاك قصافة وكشاف صغير وساعة بتنور وهتنفعك لان كل حاجة هناك بالمواعيد والدنيا بتكون ضلمة بالليل
وخد معاك  شبشب حمام و يفضل يكون مقفول من الجناب عشان لو الحمامات فيها مية ع الارضية
وخد مراية صغيرة عشان لو الحمامات زحمة تعرف تحلق دقنك
بس خلي بالك ساعات مبيدخلوهاش عالبوابة فحاول تسلكها
لو داخل الجيش في الشتا خد معاك دفاية تحطها تحت البطاطين بتاعة الجيش عشان البطاطين مبتدفيش لوحدها وفانلة بكم او اتنين عشان لو بردت..ويكونوا من غير رقبة
خد معاك  مناديل تواليت ومناديل عادية
وخد دوبارة تعلق فيها المفاتيح عشان هيدوك سلسلة بتجيب تنيا مع العرق
وممكن تاخد كريم واقي من الشمس وخد معاك بودرة بكتريا 
وخد معاك كيس مخدة
وخد معاك برشام للصداع والاسهال والمغص 
واللزق الطبي بتاع الجروح

تابعنا على

الاكثر مشاهدة