الرئيسية » » التفاصيل الكاملة لجـ ريمـة الترزي الذي قطع جسـ د عشيقته بالسطور بالجيزة

التفاصيل الكاملة لجـ ريمـة الترزي الذي قطع جسـ د عشيقته بالسطور بالجيزة

تم النشر > يوم السبت، 22 ديسمبر 2018 | 12:52 م


 التفاصيل الكاملة لجـ ريمـة الترزي الذي قطع جسـ د عشيقته بالسطور بالجيزة



اقتادت أجهزة الأمن بالجيزة، منذ قليل، الشاب المشتبه فيه بارتكاب واقعة قتل وتقطيع جسد فتاة الهرم، ودفنها في مقبرة أسمنتية داخل "أتيلية حريمي"، يملكه، في منطقة أرض اللواء، حضر المتهم بصحبة النيابة العامة لإجراء معاينة تصويرية للجريمة.

"هاني" 42 سنة، ترزي يمتلك محل أتيلية حريمي بشارع مصطفى العسال بمنطقة أرض اللواء، كان على علاقة غير شرعية بسيدة تٌدعى "منار"، 32 عاما، مطلقة ومقيمة في منطقة الهرم، وكان بينهما تعاملات مالية، بسبب إعطاء الضحية ماكينة خياطة له لتشغيلها في الأتيلية، الذي يملكه، مقابل 500 جنيه في الأسبوع، وانتهت بجريمة قتل وكشف المتهم عن تفاصيلها وجاء كالتالي: "قال المتهم أثناء تمثيل جريمته أمام جهات التحقيق (إن بداية الواقعة كان يوم الأربعاء الماضي، تلقى اتصالا من صديقته أخبرته بأنها قادمة إليه لمقابلته بعدما أوصلت ابنها للمدرسة)".

وأضاف المتهم، "كانت الساعة حوالي التاسعة صباحا يوم الأربعاء اللي فات.. وجت ليا منار يقصد المجني عليها، وبعدين كنا بنتكلم في حسابات المحل وحصل بيننا مشادة كلامية، وشتمتني أنا أصلا عصبي محستش بنفسي.. لقيت نفسي بلف إيدي حولينا رقبتها وخنقتها وخلصت في إيدي".

وتابع المتهم، أثناء تمثيل الجريمة وتوثيقها من قبل جهات التحقيق بالصوت والصورة، "أنا لقيت منار ماتت في إيدي، مسكت تليفوني واتصلت بالصبي بتاعي وقلت له خلي العمال تيجي الساعة 4 العصر، علشان اتصرف في الجثة دي.. مفيش شربت سيجارة.. وقلت لنفسي لازم أتخلص من الجثة، مسكت الساطور وهم 5 ضربات قمست جسمها نصين.. وبعدين جبت سكين بلاستيك وحطيت الجثة فيهم ولفيتها في قماش".

وواصل المتهم، "فكرت أرمي جثتها في الزبالة.. خفت حد يشوفني اتمسك ويتقبض عليا.. قلت ادفنها في المحل وخلاص.. مسكت الجاروف وكسرت البلاط.. وحفرت حفرة بعمق 5 أمتار، ودفنتها وركبت بلاط جديد، وبعدين طلعت أخدت حمام ونزلت فتحت المحل للعمال، وكل الكلام ده حصل في 6 ساعات، والعمال جت الساعة 4 العصر والناس جت وزبائن المحل كمان والشغل كان ماشي يوم الأربعاء والخميس، وكأن مفيش أي حاجة حصلت".

واستكمل، "يوم الجمعة الصبح لقيت ضباط مباحث جت المحل.. لما شفت كده قلت الموضوع اتكشف.. وبعدين رحت علي قسم الهرم، ولقيت الدنيا مقلوبة في القسم، والضباط بتسألني فين منار.. أنت قتلتها ليها كل المشاهدات وتليفون أنت ردت عليها بعد ما قتلتها.. وهما كانوا بيسألوني.. حضر ضابط برتبة كبيرة والقسم كله كان مشدود.. وعرفت إن ده العميد أسامة عبدالفتاح، رئيس قطاع المباحث، ودخل سألني أنت قتلتها إزاي وفين الجثة.. اعترفت بكل حاحة".

عقب تسجل اعترافات المتهم، أصدرت النيابة العامة قرارا بحبس المتهم لمدة 4 أيام علي ذمة التحقيق، وطلبت النيابة تحريات المباحث حول الواقعة، ولاتزال التحقيقات مستمرة.

انتقلت "الوطن" إلى مسرح الجريمة في شارع مصطفى العسال، حيث لم تجد حديثا سوى عن أتيليه هاني، وقوات الشرطة منتشرة في المنطقة، وحراسة أمنية على باب المحل، وجريمة القتل وما حدث في المحل على ألسنة أهل المنطقة.

يقول محمد علي قهوجي، لـ"الوطن"، "إحنا فوجئنا إمبارح بالليل بالمباحث جت المحل وكان ضباط كتير ولقينا الضباط خرجت كل العمال ورواد المحل.. وهاني كان جاي في إيده كلبش.. وسأله ضابط المباحث فين الجثة يا هاني.. رد عليه: (تحت البلاط يا بيه.. أحفر هنا هتلاقي الجثة)".

يواصل الشاب العشريني، "مفيش 3 ساعات.. والدنيا كلها كانت واقفة انتباه وحضر ضابط كبيرة وليها هيبة كده.. وعرفت من العساكر اللي كانت واقفة إن ده اللواء محمد عبدالتواب نائب مدير الإدارة العامة للمباحث، وكملت القوات استخراج الجثة.. وطلعوا شنطتين وفيهم جثة لبنت.. وعرفنا إن هاني اللي قتلها ودفنها بسبب خلافات".

ويتابع، "أصلا مفيش حد كان عارف عنه أي حاجة.. هو كان ترزي شاطر.. المحل بتاعته مكنش بيبطل شغل.. هو استأجر المحل من سنتين.. بس كده خلاص هاني راح في داهية والعمال اللي عنده ربنا يرزقهم".

وكانت أجهزة الأمن بالجيزة، تحت إشراف اللواء دكتور مصطفى شحاتة، مدير أمن الجيزة، واللواء رضا العمدة، مدير الادارة العامة للمباحث، قد تلقت بلاغا من ربة منزل باختفاء ابنتها بدائرة قسم شرطة الهرم، وكشفت التحريات والتحقيقات، التي جرت تحت إشراف اللواء محمد عبدالتواب، نائب مدير الادارة العامة للمباحث، والعقيد محمد راسخ، مفتش المباحث، والمقدم محمد الصغير، رئيس مباحث الهرم، أن وراء ارتكاب الواقعة صديق المجني عليها، قتلها ودفنها في محله بمنطقة أرض اللواء، بسبب خلافات بينهما، وألقي القبض عليه.

مصدر الخبر : جريدة الوطن

ابحث في الموقع

الأكثر مشاهدة

-->