Home » » اعرف هتستفيد ايه لو اتعلمت اللغة الانجليزية - فوائد تعلم اللغة الانجليزية

اعرف هتستفيد ايه لو اتعلمت اللغة الانجليزية - فوائد تعلم اللغة الانجليزية

اعرف هتستفيد ايه لو اتعلمت اللغة الانجليزية
 فوائد تعلم اللغة الانجليزية

اعرف هتستفيد ايه لو اتعلمت اللغة الانجليزية - فوائد تعلم اللغة الانجليزية - موقع كلام نت

انك تتعلم اللغة الانجليزية ده شيء جيد جدا ومفيد جدا لكن هتستفيد ايه بالظبط لو اتعلمت انجليزي ؟ في ناس كتير مش عارفة هتستفيد ايه بالظبط او عارفة انها هتستفيد بعض الاشياء لكن في الحقيقة انت هتستفيد حاجات كتير اوي لذلك في هذا الموضوع هنعرض اهم الاشياء اللي ممكن تستفيدها لو اتعلمت اللغة الانجليزية .

1- هتلاقي فرص شغل كتير :

لو اتعلمت اللغة الانجليزية هتلاقي شغل كتير جدا في مجالات كتير وبمرتبات كبيرة وممكن تختار اي مجال من المجالات دي حتي لو شهادتك بعيدة عنه بس انك معاك لغة ده كافيل انه يدخلك ويشغلك في مجالات كتير جدا .

2- هتعرف معلومات كتير :

محتوي اللغة العربية في اي مجال قليل جدا بالنسبة لمحتوي اللغة الانجليزية في نفس المجال . وده معناه انك لو اتعلمت اللغة الانجليزية هتتميز وهتعرف معلومات اكتر في اي مجال عن الانسان اللي ميعرفش انجليزي .

3- هتتعلم حاجات اكتر في مجالك :

لو اتعلمت اللغة الانجليزية هتلاقي نفسك بتطور بشكل كبير في شغلك ومجالك وخصوصا لو بحثت علي شبكة الانترنت هتلاقي معلومات كتير باللغة الانجليزية هتفيدك جدا انك تطور وترتقي بنفسك في مجال عملك .

4- هتستمع بالاغاني والافلام الاجنبية من غير ترجمة :

كلنا بنحب الافلام والاغاني الاجنبية بس علشان نقدر نفهمها ونستمتع بيها لازم تكون مترجمة لكن لو اتعلمت اللغة الانجليزية هتقدر تستمتع وتشاهد وتسمع الافلام والاغاني بدون ترجمة ومش كدة وبس انت ممكن تترجم الافلام والاغاني وتكون فرصة شغل ليك.

5- هتقدر تعرف اللي موجود في الاشاعة والتحليل :

طبعا التحليلات والاشاعات التقرير بتاعها بيكون باللغة الانجليزية وانت لو اتعلمتها هتقدر تفهم اللي مكتوب فيها ودي حاجة حلوة طبعا وهتلاقي ناس كتير بتقولك شوف التحليل والاشاعة دي واكيد لازم تساعدهم بس انك تقول اللي فيها بس مش تكتب
علاج :D علشان انت مش دكتور !

6- ثقتك هتزيد بنفسك :

لو اتعلمت اللغة الانجليزية تلقائياً هتلاقي ثقتك بنفسك زادت علشان هتكون متميز عن ناس كتير ميعرفوش اللغة دي وان مجالات كتير هتتفتح قدامك هتلاقي ثقتك زادت .

7- هتعرف تعامل الاجانب .. في بلدك او لو سافرت اي بلد :

لو اتعلمت اللغة الانجليزية هتقدر تتواصل مع الاجانب لان اللغة دي هي اللغة الاولى في العالم ولو سافرت اي دولة في العالم هتلاقي ناس كتير بتتكلمها حتى لو مش اللغة الاصلية للبلد دي .

8- هتتعامل علي الانترنت بشكل افضل :

لو اتعلمت اللغة الانجليزية هتقدر تتعامل مع الانترنت بشكل افضل لان اغلب المواقع الالكترونية على الانترنت بتكون باللغة الانجليزية .


الخلاصة اللغة الانجليزية مهم جدا انك تتعلمها هتستفيد حاجات كتير وهتفتحلك مجالات اكتر لو ليك تعليق او فائدة اخرى لتعلم اللغة الانجليزية اكتبها في صندوق التعليقات .

" الكاتب : صابر عزيز "


تابعنا على

الاكثر مشاهدة