قصة حقيقية عن الاخوة والمحبة والعطاء بطلتها طفلة
حرمت نفسها من بسكوتة كبيرة عشان اختها الصغيرة
" تدور احداث القصة بين بائع وطفلة صغيرة في احدى المناطق الشعبية "
الطفلة : عمو .. عمو !
البائع : ايوة يا عسلية
الطفلة : خد الفلوس
البائع : هاتي .. اخدتي ايه
الطفلة : اخدت بسكوتة بجنيه .. هات الباقي
.. خدت الباقي .. ومشيت .. بعدها بشوية رجعت تاني
الطفلة : عمو عمو !
البائع : ايوة يا عسلية
الطفلة : هرجع ده وهاخد بداله الاتنين دول
البائع : طب ليه .. ؟
الطفلة : عشان اختى في البيت تاخد واحدة معايا
البائع : طب ما انتي معاكي الباقي اشتري بيه
الطفلة : لا الباقي بتاع ماما والجنيه بتاعي انا
البائع : خلاص خدي واحدة تاني ومتدفعيش
الطفلة : لا انا هاخد دول بس
ومشيت العسلية الصغننة
الخلاصة : مشاعر الاخوة والمحبة بتكون جوة الانسان حتى لو طفل .. حرمت نفسها من بسكوتة كبيرة علشان اختها الصغيرة .. علموا اولادكم المحبة والعطاء .
الكاتب : صابر عزيز
المقال يعبر عن رأي الكاتب ولايعبر بالضرورة عن رأي الموقع
