Home » , » شرح سر هام جدا من اسرار التسويق والإقتصاد الحديث

شرح سر هام جدا من اسرار التسويق والإقتصاد الحديث


شرح سر هام جدا من اسرار التسويق  والإقتصاد الحديث

" سلب حياة البشر "

فكرة التسويق قائمة علي تحقيق أعلي مكسب ، و لأن ده صعب و المنافسة كبير و العروض اكتر ، التطور التسويق بطرق كتير جدا ، و من أهمها التسويق الاستراتيجي و التسويق النفسي .

زمان قام علم الإقتصاد علي البحث في الندرة ، و تلبيه احتياجات الإنسان بشكل عادل ، و لما حصلت الثورة الصناعية في أوروبا " عادل مات خلاص " و بقينا بتدور علي أي مكسب دائم ، و لأن الإنسان الطبيعي و خد بالك من طبيعي دي بيسعي لتلبية احتياجاته الأساسية فقط " المأكل، المشرب ، الملبس ، المسكن ، الأمان " و ده معناه ايه بقي ؟

إن البشر احتياجاتهم محدودة جدا و أن الإنسان مدام عايش في بيت و بلده مفهاش حرب و عنده أكل يومه و شرب يومه و طقمين يلبسهم ، يبقي خلصت كده هو أسعد انسان في الدنيا و مش محتاج حاجة تاني ، و كل الأديان السماوية قالت كده .
طيب و الحل ايه ؟ 

كده كل إنسان هيشتري حاجة مش هيحتاج يغيرها و هيبقي سد احتياجاته خلاص ، طيب المصانع تقفل بقي ، و يبقي في وفرة في العالم و ميبقاش في عالم اول و عالم تاني و عالم تالت ، و الناس كلها تبقي عايشة في وفرة و سعادة .... استغفر الله
يبقي لازم نغير الإنسان و نهدم أفكاره و ندمر بلاد و نصنع عنصرية و طبقية و اختلافات ، و ده هيضمن أن الإنسان طول الوقت في احتياجات ، حتي الإنتاج يبقي ليه عمر افتراضي و ينتهي بسرعة و نطور المنتجات بشكل سريع و نخلي إيقاع الحياة أسرع و اللي يقف يتهرس أو يبقي نكره في المجتمع و مش مواكب العصر .

هل تعلم أن 80 % من اللي بيشتريه ليس له علاقة باحتياجاتك !

شاهد ايضا : 16 نصيحة قبل ما تبدأ مشروع جديد - اتعلم بزنس

لما بتجوع و دي غريزة بشرية ، بطنك مش بتحدد لك تأكل ايه ، لكن بتوع التسويق هما اللي بيحددولك . 

لما بتيجي تسكن بتختار شقة كبيرة ليها يعني ايه فردين يعيشوا في 120 م و يمكن أكبر ، التسويق هو اللي حدد النظام ده . 

الأمان انت ليه طول الوقت خايف ، من بكره من اللي هيحصل من الصراعات و الإرهاب و الحروب و الموت ، ده نظام اتواجد علشان تفضل طول الوقت عايز تحس بالأمان ، تشتري سلاح ، تسكن في كمبوند بسور و امن ، تشتري حاجات كتير علشان تحس بامتلاك ، تبقي عايز فلوس كتير علشان تطمن ، تشتري ملابس كتير علشان التقبل الاجتماعي ، تأكل و تشرب زي كل الناس علشان تبقي زيهم ، طول الوقت عايز زيادة و الحاجات لا تنتهي و مها بقي عندك مش هترتاح ، دي دائرة و اللي بيدخلها صعب يطلع .

في الوضع الاقتصادي المزهر الناس بتشتري حاجات كتير علشان السعادة و الراحة و في الوضع الاقتصادي السئ الناس هتشتري برضوا علشان الخوف و الأمان ، الاقتصاد كسبان في كل الأحوال.

أوعي تفتكر انك انت بتشتري اللي انت عايزة ، انت بتشتري اللي احنا عايزينك تشتريه بالثمن اللي هنقول عليه ، احنا اللي بيصنع المنتجات و نعلن عنها و نصنع ليك احتياج وهمي و نحدد ثمنها و نعرضها ، و انت كل اللي عليك انك تختار مابين اللي الاختيارات اللي احنا محددنها و الأسعار اللي احنا محددنها و الموديلات اللي احنا محددنها و طريقة الحياة اللي احنا محددنها .

من أقوي الطرق المتبعة أن تسلب الإنسان إرادته، لكي يحقق إرادتك 
ده نظام عالمي و مش هينفع نلغيه ، بس ينفع نفوق و نصحي و نتعلم و يبقي عندنا وعي ، بدل ما تبقي المشكلة 100 % نخليها 50 % بس ..... الاقتصاد هو الأساس في العالم و ليس السياسة
الإقتصاد صنعت من أجله السياسة لتحصل علي أكبر مكسب ، و صنعت له الجيوش لكي تحمي النظام الإقتصادي .

تابعنا على

الاكثر مشاهدة